2009թ. հոկտեմբերի 20-ին  Երիտասարդական միջոցառումների կազմակերպման Գեղարքունիքի մարզային կենտրոնը իրականացրեց “Կհասնենք ավարտին: Թրաֆիկինգ” ծրագիրը:  Միջոցառումը  վարեցին  ուսուցանողներ Սուսաննա Ենգիբարյանը, Լիլիթ Հարությունյանը, Նելլի Մանուկյանը, Նարինե Մանուկյանը:  

Հոկտեմբերի 28-29-ը  Երիտասարդական միջոցառումների կազմակերպման Գեղարքունիքի  մարզային կենտրոնում կայացավ սեմինար-հանդիպում “Քաղաքացիական իրավունքներ”, “Խոսքի ազատություն” թեմաներով: Հանդիպումը կազմակերպվել էր Սախարովի մարդու իրավունքների պաշտպանության կենտրոնի Գավառի տարածքային գրասենյակը ԳՄԵՄԿԿ-ի աջակցությամբ: Սեմինարի թեման ընտրվել էր կենտրոնի կամավոր  երիտասարդների կողմից։ 

Հոկտեմբերի  26-27-ը  Երիտասարդական միջոցառումների կազմակերպման կենտրոնում  կայացավ սեմինար-հանդիպում  Գավառի և հարակից համայնքների ՀԿ-ների, ՏԻՄ-երի ներկայացուցիչների հետ: Այն կազմակերպել էին  Առևտրաարդյունաբերական պալատի Գավառի գրասենյակը և “Մարդկային զարգացման միջազգային կենտրոն” ՀԿ-ն ԳՄԵՄԿԿ-ի աջակցությամբ: 

Հոկտեմբերի 15-ին Երիտասարդական միջոցառումների կազմակերպման Գեղարքունիքի մարզային կենտրոնում կայացավ  հանդիպում  երեք սերնդի ներկայացուցիչների հետ՝ “Ավանդապահությունը Գեղարքունիքի մարզում” թեմայի շուրջ: Ավանդապահությունը քննարկելու համար  մասնակիցները բաժանվեցին տարիքային խմբերի` 18-35, 35-45 և 45-ից բարձր տարիք ունեցող անձինք: Բանավեճը  վարում էր ԳՄԵՄԿԿ առաջին կարգի մասնագետ Ս. Ենգիբարյանը։