







| Ծանոթություն եկեղեցական տոներին |
2010թ. հունվարի 14-5-ին ՙՍյունիքի երիտասարդական կենտրոն՚ ՀԿ-ն Սյունիքի մարզային երիտասարդական միջոցառումների կազմակերպման կենտրոնի հետ համատեղ Կապանի թիվ 1 կրթահամալիրում անցկացրեց ՙԵկեղեցական ու ազգային տոներ, ծիսակատարություններ. ընդհանուր ճանաչողություն՚ ծրագրի հերթական դասընթացը` 8-10-րդ դասարանների մոտ 30 աշակերտների համար:ՀԿ նախագահ և ծրագրի ղեկավար Ա. Հայրապետյանը հանդիպման սկզբում ներկայացրեց կազմակերպությունը, ՙԵկեղեցական ու ազգային տոներ, ծիսակատարություններ. ընդհանուր ճանաչողություն՚ ծրագիրը, նպատակներն ու ծրագրից ակնկալվող արդյունքները։ Դասընթացավար, Կապանի սբ. Մեսրոպ Մաշտոց եկեղեցու հոգևոր հովիվ տեր Շիրակ Խանոյանն անդրադարձավ ՙՔրիստոնեական եկեղեցի. հիմնական ուղղությունները՚, ՙՀայոց եկեղեցու պատմություն՚ թեմաներին: Քահանան խոսեց նաև Եկեղեցու խորհուրդների, տաղավար և ազգային տոների մասին: Նշենք, որ աշակերտները բավականին տեղեկացված էին. տրված հարցերին պատասխանում էին ճիշտ և գրագետ: Երկօրյա դասընթացներն աշակերտներին տվեցին նոր գիտելիքներ, որոնք նրանք կօգտագործեն իրենց առօրյայում և հետագայում կփոխանցեն շրջապատին։ Հունվարի 22-ին և 23-ին նույն ծրագրի շրջանակներում երկօրյա դասընթաց անցկացվեց նաև Կապանի թիվ 1 կրթահամալիրում` ավելի քան 30 մանկավարժների մասնակցությամբ։ |