







| ՖԼԵՔՍ–ը կրկին Վայոց ձորի երիտասարդական կենտրոնում |
|
Սեպտեմբերի 15-ին և հոկտեմբերի 7-ին Վայոց ձորի ԵՄԿԿ-ն հյուրընկալեց Ամերիկյան խորհրդի ՖԼԵՔՍ ծրագրի ներկայացուցիչներին: Սեպտեմբերի 15-ին կազմակերպվեցին և անցկացվեցին ՖԼԵՔՍ ծրագրի առաջին և երկրորդ փուլերի քննությունները, որոնց մասնակցում էին նախապես հայտ ներկայացրած 9-րդ և 10-րդ դասարանների 22 աշակերտներ:
Կազմակերպության ներկայացուցիչները մասնակիցներին ներկայացրին ծրագրի նպատակը, որը երիտասարդության ՙՓոխանակման ծրագիր՚ է աշակերտների համար: Այն հնարավորություն է ընձեռում աշակերտներին մեկ տարի սովորել և ապրել ԱՄՆ-ում, ծանոթանալ ԱՄՆ-ի ժողովրդին և մշակույթին: Մինչ այսօր ավելի քան 690 աշակերտներ հանրապետության տարբեր մարզերից և մայրաքաղաքից այս ծրագրի շրջանակներում ուսանել են ԱՄՆ-ում: Աշակերտներն ամուր կապեր են հաստատում հյուրընկալ ընտանիքների և համայնքների հետ` ստեղծելով ջերմ հարաբերություններ, որ հաճախ տևում են մինչև կյանքի վերջ: Ծրագրի նպատակներին, մասնակցության պայմաններին ծանոթացնելուց հետո դիմորդներին մաղթեցին հաջողություն և թեստային եղանակով անցկացրին քննություն: Քննության վերջում կատարվեց արդյունքների ամփոփում, և երկրորդ փուլ անցած աշակերտները մասնակցեցին հերթական քննությանը: Քննության արդյունքների ամփոփումն արվեց 4 շաբաթ անց` հոկտեմբերի 7-ին: Կազմակերպվեց մրցույթի կիսահաղթողների և նրանց ծնողների հետ իրազեկման ժողով, այնուհետև անցկացվեց անհատական հարցազրույց դպրոցականների հետ: Հաղթողների անունները կհրապարակվեն 2010թ. ապրիլին: ՖԼԵՔՍ ծրագրի ներկայացուցիչները կենտրոնից հեռացան գոհունակությամբ և հետագայում նորանոր համատեղ համագործակցությունների ակնկալիքներով: |