







| Աշխատանքի կողմնորոշման դասընթաց |
Արագածոտնի երիտասարդական միջոցառումների կազմակերպման կենտրոնն իր խնդիրն է համարում մարզի երիտասարդներին աշխատանքի կողմնորոշման հարցերում տալ այն անհրաժեշտ տեղեկատվությունն ու հնարավորությունը, որը կօգնի երիտասարդներին համարել իրենց աշխատաշուկայում մրցունակ: Արագածոտնի ԵՄԿԿ-ում ապրիլի 18-ին կազմակերպվեց երիտասարդների աշխատանքի կողմնորոշման դասընթացը։ Այն շատ հետաքրքիր էր ու խիստ անհրաժեշտ երիտասարդների համար: Նախևառաջ ներկայացվեց, թե ինչպես գործատուի մոտ հարցազրույցի ներկայանալ և ինչպես ներկայացնել ինքնակենսագրական, որը հնարավորություն կտա հասնել հարցազրույցի փուլին: Խոսվեց գործատուի և հարցազրույցին մասնակցողի շփման կուլտուրայի և կանոնների մասին: Սեմինարին ներկա էին մեծաքանակ ուսանող երիտասարդներ, ինչպես նաև 11-րդ դասարանցիներ, որոնք մոտ ապագայում պետք է բախվեն աշխատաշուկայում կողմնորոշման, ճիշտ աշխատատեղ ընտրելու և շփման, այսինքն` միջանձնային հարաբերություններում ճիշտ դրսևորվելու և ճիշտ ներկայանալու խնդրին: Վերջում խաղի միջոցով ամփոփվեցին ամբողջ դասընթացի արդյունքները: Մասնակիցները բաժանվեցին մի քանի խմբի, որոնցից յուրաքանչյուրը ներկայացնում էր մի կազմակերպություն, և ստացած տեղեկատվությունը երիտասարդները կիրառեցին գործնական պայմաններում: |