Մենք Մարզերում Արմավիր | Արմավիր |
|
|
|
|
Արմավիրի երիտասարդական միջոցառումների Էլ. հասցե` This email address is being protected from spam bots, you need Javascript enabled to view it
Լինենք իրական քրիստոնյա
ՙԳրական Արմավիր՚ ժողովածուի շնորհանդես
Հեղինակային իրավունքի խախտումներն ու պաշտպանությունը
ՙԵրիտասարդների մոբիլիզացիա և ընդգրկում համայնքի կյանքում՚
Արմավիր քաղաքի ավագանու անդամ Գառնիկ Ասատրյանը առաջարկեց ծրագրի շրջանակներում ՙՆաիրի՚ ՀԿ-ի և Երիտասարդական միջոցառումների կազմակերպման Արմավիրի մարզային կենտրոնի ռեսուրս բազայում ստեղծել աշխատանք փնտրող երիտասարդների և տվյալների բազա:
Ինչպես նաև արվեցին վերը նշված խնդիրների լուծման առաջարկներ՝
3-րդ հանդիպումը տեղի ունեցավ հունվարի 8-ին Երիտասարդական միջոցառումների կազմակերպման Արմավիրի մարզային կենտրոնում: Սեմինարի մասնակիցներին ներկայացվեց ՀՀ պետական երիտասարդական քաղաքականության մասին հայեցակարգը: Մասնավորապես քննարկվեցին հետևյալ հարցերը`
Քննարկման վերջում Արմավիրի ուսումնական հաստատությունների ուսանողական խորհուրդների ՙՆաիրի՚ ՀԵԾ ՀԿ-ի, Արմավիրի ԵՄԿԿ-ի ակտիվ կամավորների կողմից մշակվեց ՙԵրիտասարդական ուղերձ՚, որը պետք է հղվի ՀՀ վարչապետ Ս. Սարգսյանին, սպորտի և երիտասարդության հարցերի նախարարության ՙԵրիտասարդական միջոցառումների կազմակերպման կենտրոն՚ ՊՈԱԿ-ի տնօրեն Մ. Ջավադյանին, Արմավիրի մարզպետ Ա Ղահրամանյանին, Արմավիրի քաղաքապետ Ռ. Խլղաթյանին, Արմավիրի տարածաշրջանի ԶԼՄ-ներին և երիտասարդական ՀԿ-ներին: Սեմինարի ընթացքում մասնակիցները հարցաթերթիկներ լրացրեցին: Ծրագրի ավարտին մասնակիցներին տրվեցին դիպլոմներ և շնորհակալագրեր: Ներկայացում Ալեքսանդր Վամպիլովի ՙՊատմություն Մետրամպաժի հետ՚
ՙԱռողջ երիտասարդությունը` երկրի զարգացման նախապայման՚
ՙԱրեգ՚ գիտամշակութային երիտասարդական ասոցիացիան` Արմավիրի ԵՄԿԿ-ում
Առաջին ամանորը Արմավիրի ԵՄԿԿ-ում
Հանդիպում Արմավիրի Բժշկական պետական քոլեջի ուսանողների հետ Սեպտեմբերի 25-ին Արմավիրի ԵՄԿԿ-ի աշխատակիցները հանդիպում ունեցան Արմավիրի Բժշկական պետական քոլեջի ուսանողների հետ: Հանդիպման ընթացքում մանրամասն ներկայացվեցին կենտրոնի կողմից իրականացված և իրականացվելիք ծրագրերը: Հանդիպումը նպատակ ուներ համալրել կենտրոնը նոր և ակտիվ կամավորներով, ովքեր իրենց եռանդով ու աշխատասիրությամբ կարող են նպաստել ինչպես Արմավիր քաղաքի, այնպես ել հարակից համայնքների երիտասարդական կյանքի ակտիվացմանը: Երիտասարդների հետ հանդիպումն անցավ ջերմ մթնոլորտում: Ակնառու էր ուսանողների հետաքրքրվածությունը, և բազմաթիվ երիտասարդներ համալրեցին կենտրոնի կամավորների շարքերը: ԱՐԺԱՆԻ ՀԱՂԹԱՆԱԿ ՙԲԱԶԵ-2007՚- ում
Հիշե զանոնք, որ գերեզմանին մեջ
Երեխաների պաշտպանության օր Հունիսի մեկին երեխաների իրավունքների պաշտպանության օրը Արմավիրի կենտրոնական հրապարակում Արմավիրի Զարգացման Կենտրոն ՀԿ –ի կողմից կազմակերպված միջոցառմանը մասնակցելուց հետո Արմավիրի ԵՄԿԿ-ի կամավորները կենտրոնի նախաձեռնությամբ և ՙՆաիրի՚ ՀԿ մասնակցությամբ հաշմանդամ երեխաներին ուղեկցեցին դեպի ՙԱլո՚ զբոսայգի,որտեղ երեխաները նրանց օգնությամբ հնարավորություն ունեցան օգտվել ամենատարբեր ակտրակցիոններից: Այնուհետև Արմավիրի ԵՄԿԿ կամավորները այցելեցին Արմավիրի գիշերօթիկ օժանդակ դպրոց: Այցի նպատակն էր փոխել երիտասարդների վերաբերմունքը թույլ մտավոր ունակություններ ունեցող երեխաների հանդեպ և օգնության պատրաստակամություն դրսևորել վերջիններիս նկատմամբ:Այցելության ընթացքում հնչեցին շնորհավորանքներ և երեխաներին բաժանվեցին նվերներ:Երեխաների համար նվերները պատրաստել էին ինչպես կամավորները, այնպես էլՙՆաիրի՚ ՀԿ և Արմավիրի թեմը, սակայն ավելի մեծ ուրախություն երեխաներին պատճառեց կենտրոնի աշխատակիցների կողմից պատրաստած անակնկալը.այն էր տորթեր, որն էլ միջոցառման վերջում փոքրիկները համտեսեցին: Նախաձեռնությունը ողջունեցին նաև երեխաների ծնողները: Իր շնորհակալական խոսքը հղեց նաև դպրոցի տնօրենը: Կենտրոնի աշխատակիցները խոստացան, որ այսուհետ նմանատիպ հանդիպումներ երեխաների հետ հաճախակի կկազմակերպվեն: ԵՐԻՏԱՍԱՐԴՆԵՐԻ ՕՐՀՆՈՒԹՅԱՆ ՕՐ
ՀՈԳԵՎՈՐ ԱՐԺԵՔՆԵՐԻ ՊԱՀՊԱ ՆՈՒՄ Երիտասարդի ճիշտ հոգևոր դաստիարակությունը կարևորվելէ բոլոր ժամանակներում, և այդ գործում իրենց անմնացորդ ներդրումն են ունեցել և եկեղեցին , և պետությունը: Արմավիրի ԵՄԿԿ-ում արդեն ավանդույթ է դարձել հոգևորականի հետ ամենշաբաթյա հանդիպումները, որի նպատակնէ բարձրացնել հոգևոր արժեքների գիտակցումը երիտասարդների շրջանում,ընդգծել եկեղեցու ազգապահպան գործունեության ոլորտները: Հոգևորականի կողմից կատարվում են Աստվածաշնչյան ընթերցումներ և մեկնաբանություններ:Տրվում տեղեկատվություն թեմի գործունեթության մասին,կամավորների բոլոր հարցերին տրվում են անհատական պատասխաններ: ՍԳՈ ԵՐԹ ԵՐԻՏԱՍԱՐԴՆԵՐԻ ՆԱԽԱՁԵՌՆՈՒԹՅԱՄԲ
ՀԻՇԱՏԱԿԻ ՈՒ խՈՆԱՐՀՄԱՆ ՕՐ Ցավալի է, որ տասնայակ տարիներ անց հայ ժողովուրդը դեռ զգում է իր ճակատագրին հանդիպած անմարդկային ոճրագործության շունչը, ակնհայտ է, սակայն, որ մոռացության չի տրվում միլիոն ու կես անմեղ զոհերի հիշատակը: Այսօրվա երիտասարդությունը նույնքան պահանջատեր է, որքան նախորդները, և դրա վառ ապացույցն է նրանց կազմակերպած բազմաթիվ հիշատակի երթերը ոչ միայն մայրաքաղաքում այլև մարզերում: Արմավիրում ամեն տարի հիշատակի երթը ուղղվում է դեպի ՙԱլո՚ քաղաքի անվան զբոսայգում տեղակայված հուշարձան, այնուհետև Ծիծեռնակաբերդ: Լինենք պահանջատեր ու ապրենք խաղաղ` արդար մարդկությամբ շրջապատված: |
Իր գործունեության առաջին իսկ օրերից Արմավիրի Երիտասարդական միջոցառումների կազմակերպման մարզային կենտրոնը մեծ ուշադրություն է դարձրել երիտասարդների հոգևոր- մշակութային ճիշտ դաստիարակությանը: Դրան են ուղղված եղել հոգևորականի հետ ամենշաբաթյա հանդիպումները, անդրադարձը ավանդական հայկական տոնացույցում նշվող տոներին և մասնակցությունը մի շարք եկեղեցական արարողություններին: Մարտի 15-ին Արմավիրի մարզի Սբ. Ղազար եկեղեցում տեղի ունեցավ մեծ միջոցառում` նվիրված Ղազարոսի հարության հիշատակությանը: Արմավիրի երիտասարդները մասնակցեցին պատարագին, այնուհետև Արարատյան հայրապետական թեմի և Քարակերտի երիտասարդաց միությունների հետ մասնակցեցին արդեն ավանդույթ դարձած խաչերթին և եղան Արմավիրի առաջնորդարանում, որտեղ հանդիպում ունեցան թեմի առաջնորդ Սիոն եպիսկոպոս Ադամյանի հետ: Հանդիպման ընթացքում սրբազանը նշեց, որ այսօր երիտասարդության համար գերխնդիր է պահել հայ առաքելական եկեղեցու պատգամներն ու լինել իրական քրիստոնյա: 
Փետրվարի 15-ին Արմավիրի մարզպետարանի նիստերի դահլիճում տեղի ունեցավ ՙԳրական Արմավիր՚ ժողովածուի շնորհանդեսը, որին ներկա էին Արմավիրի մարզպետ Ա. Ղահրամանյանը, ՙԳրական Արմավիր՚ ակումբի անդամներ, մշակույթի ոլորտում գործունեություն ծավալող այլ գործիչներ:
Արմավիրի ԵՄԿԿ- ում ծրագրեր են իրականացվում ոչ միայն տեղական, այլև մայրաքաղաքից ժամանած ՀԿ-ների կողմից: Հունվարի 29-ին Արմավիրի ԵՄԿԿ–ում ՙՀայ հեղինակ՚ ՀԿ-ի կողմից անցկացվեց ՙՀեղինակային իրավունքի խախտումներն ու պաշտպանությունը ՀՀ տարածքում՚ թեմայով սեմինար, որին հիմնականում մասնակցում էին Արմավիրի ստեղծագործող և արվեստի ու մշակույթի ոլորտում գործունեություն ծավալող երիտասարդներ:
ՙԵրիտասարդների մոբիլիզացիա և ընդգրկում համայնքի կյանքում՚ ծրագրի շրջանակներում դեկտեմբերի 20-ին Երիտասարդական միջոցառումների կազմակերպման Արմավիրի մարզային կենտրոնում տեղի ունեցավ սեմինար-քննարկում Արմավիրի մարզում գործող բոլոր ուսումնական հաստատությունների ուսանողների, Արմավիր քաղաքի ավագանու անդամների, գործող ՀԿ-ների, այդ թվում ՙՆաիրի՚ ՀԵԾ ՀԿ, մարզպետարանի համապատասխան ներկայացուցչի մասնակցությամբ: Սեմինարի ընթացքում քննարկվեց և ուսանողներին ներկայացվեց ՀՀ տեղական ինքնակառավարման մարմինների մասին օրենքի I մասը:
Արմավիրի թիվ 1 մշակույթի տանը վերջերս կազմավորվեց թատերական խումբ, որտեղ հիմնականում ընդգրկված էին Արմավիրի ԵՄԿԿ կամավորները: Վերջիններիս քրտնաջան աշխատանքի շնորհիվ արմավիրցիները հնարավորություն ունեցան ականատես լինելու մի գեղեցիկ ներկայացման: Բեմադրվեց Ալեքսանդր Վամպիլովի ՙՊատմություն Մետրամպաժի հետ՚ ներկայացումը, որի անդրանիկ ցուցադրությունը տեղի ունեցավ դեկտեմբերի 13-ին: Մոտ 1,5 ժամ տևողություն ունեցող ներկայացման ընթացքում մասնակիցներն իրենց հիանալի խաղով ներկաներին մեծ բավականություն պատճառեցին: Ներկայացումը դիտելու էին եկել նաև Արմավիրի քաղաքապետ Ռ. Խլղաթյանը: Վերջինս, իր հիացմունքն արտահայտելով, խոստացավ աջակցել սկսնակ դերասաններին նոր ներկայացում բեմադրելու հարցում: Արմավիրցի երիտասարդների թատերական տաղանդը գնահատվեց ներկաների կողմից, որի ապացույցը նրանց երկարատև ծափահարություններն էին և ոմանց կողմից հնչած հիացմունքի ու շնորհակալանքի խոսքերը:
ՙԱռողջ երիտասարդությունը` երկրի զարգացման նախապայման՚ ծրագրի շրջանակներում Արմավիրի Երիտասարդական միջոցառումների կազմակերպման կենտրոնում դեկտեմբերի 13-ին տեղի ունեցավ Սեմինար-քննարկում, որին մասնակցում էին Արմավիրի ուսումնական հաստատությունների ուսանողներ, հասարակական և միջազգային կազմակերպությունների ¥ՙՆաիրի՚ ՀԵԾ, ՙԱԶԿ՚, ՙԵրազանքների երկիր՚, ՙԿարմիր խաչ՚¤ անդամներ, Հայաստանի տարբեր բուհերի ուսանողներ: Բոլոր մասնակիցներին բաժանվեցին գրքույկներ, որոնց մեջ ամփոփ ներկայացված էին սեմինարի ընթացքում ներկայացվող թեմաները: Սեմինարի ընթացքում նախ մասնագետն անդրադարձավ թմրամոլություն, ալկոհոլամոլություն, ծխախոտամոլություն անառողջ երևույթներին` մատնանշելով դրանցից յուրաքանչյուրի վնասակար ազդեցությունը մարդկային օրգանիզմի վրա, այնուհետև ներկայացվեցին քաղցկեղի վերաբերյալ վիճակագրական տվյալները։ Երիտասարդներից շատերը ցանկություն հայտնեցին հանդես գալ որպես նախաձեռնող խումբ և կարևորեցին նման սեմինար-քննարկումները հատկապես մարզի մի քանի համայնքներում: Ակտիվ մասնակիցներին, ովքեր նաև իրենց աջակցությունը ցույց տվեցին ծրագրի իրականացմանը, տրվեցին շնորհակալագրեր ՙԵրազանքների երկիր՚ հասարակական կազմակերպության կողմից: 
Դեկտեմբերի 10-ից Արմավիրի ԵՄԿԿ-ում մեկնարկեց ՙԹրաֆիքինգի դեմ պայքարի քարոզարշավ ՀՀ մարզերում՚ ծրագիրը, որին իրենց մասնակցությունը ցուցաբերեցին Արմավիրի ԵՄԿԿ-ի բազմաթիվ կամավորներ: Ծրագրի նպատակն էր քարոզարշավի միջոցով բարձրացնել հասարակության իրազեկության մակարդակը թրաֆիքինգի և դրա հետևանքների, օրինական գործոնների և զոհերին աջակցելու ծրագրերի մասին:
Գեղեցիկ ու հատկանշական տոն է Ամանորը հատկապես երիտասարդների համար, ու կրկնակի հաճելի է, երբ տարեմուտին քեզ շրջապատում են ընկերներ ու բարեկամներ: Այդպիսին էր միջավայրը Ամանորի շեմին Արմավիրի ԵՄԿԿ-ում: Գեղեցիկ երգ, պար, ասմունք` համեմված նուրբ հումորով, իսկ վերջում երեկոյի անակնկալը` ՙՏարվա երիտասարդ՚ կոչման շնորհումը, բազմաթիվ երիտասարդ ընկերներ ու բարեկամներ ունեցող, երիտասարդ կորով ու ավյունով Արմավիրի քաղաքապետ Ռուբեն Խլղաթյանին:
Միկրոավտոբուսը մոտենում էր հայաստանյան այդ գողտրիկ ու գեղատեսիլ անկյունին, որտեղից կարծես սկիզբ է առնում հայրենական բնաշխարհի մեղմ անդորրը, հայոց ջրերի ակունքների ակունքը, իսկ այժմ արդեն համայն աշխարհում սփռված հայության կորիզի` երիտասարդության միասնության գաղափարի միահյուսման շունչը:
Հունիսի 29-ին Արմավիր քաղաքի Հանրապետության և Երևանյան փողոցների խաչմերուկի հարակից հրապարակում` Արցախյան պատերազմում զոհված և անհայտ կորած ազատամարտիկների հիշատակը հավերժացնող հուշարձանի մոտ, Արմավիրի ՙԱնհայտ կորած ազատամարտիկների հարազատներ՚ հասարակական կազմակերպությունը կազմակերպել էր միջոցառում` նվիրված ՙԱրծիվ 13՚ ջոկատի զոհված և անհայտ կորած տղաների հիշատակին: Միջոցառմանը ներկա էին և հուշարձանին ծաղիկ դրեցին Արմավիրի մարզպետ Ա. Ղահրամանյանը, Արմավիրի քաղաքապետ Ռ. Խլղաթյանը, Արմավիրի ԵԿՄ փոխնախագահ Ա. Խաչատրյանը և բազմաթիվ քաղաքացիներ ու անհայտ կորածների հարազատներ: Մեծ էր ներկաների մեջ նաև երիտասարդների թիվը, որոնց անունից խոսք հնչեցրեց Արմավիրի երիտասարդական կենտրոնի առաջատար մասնագետ Ա. Առաքելյանը: Նա իր խոսքում մասնավորապես նշեց.
Հայկական տոնացույցում նշվող գեղեցիկ տոներից է Սուրբ սարգսի տոնը`երիտասարդության օրհնության օրը: Այդ օրը ժողովուրդը գնում է եկեղեցի, աղոթում` հայցելով Սուրբ Սարգսի բարեխոսությունը, մասնակցում սուրբ պատարագին, իսկ երիտասարդները քահանայից ստանում են մասնավոր օրհնություն` մեր Տեր ու Փրկիչ Հիսուս Քրիստոսին հավատարիմ մնալու և հայ եկեղեցու հավատարիմ զավակը լինելու համար: Սուրբ Սարգսի տոնն այս տարի Արմավիր քաղաքում նշվեց առաջին անգամ և մեծ շուքով:Օրվա խորհուրդը երիտասարդների համար մեծ տոնախմբության վերածվեց մարզպետարանի և քաղաքապետարանի կողմից կազմակերպած միջոցառման շնորհիվ իսկ տոնի մտահաղացումը Արմավիրի Երիտասարդական Միջոցառումների Կազմակերպման Կենտրոնինն էր: Տոնին ներկա էին և իրենց բարեմաղթանքներն արմավիրցի երիտասարդներին հղեցին Արմավիրի մարզպետ Աշոտ Ղահրամանյանը, Արմավիրի քաղաքապետ Ռուբեն Խլղաթյանը: Իրենց տերունական օրհնանքը տվեցին Արմավիրի թեմի առաջնորդ Սիոն Ադամյանը և այլ քահանաներ:Երիտասարդներին շնորհավորելուէին եկել ճանաչված ևսիրված կինոռեժիսոր Ալբերտ Մկրտչյանը, դերասաններ Ազատ Գասպարյանը, Գուժ Մանուկյանը: Որպես օրվա խորհուրդ երիտասարդներին բաժանվեցին աղի բլիթներ և ՙՄիջինք՚ կոչվող գաթաներ, որոնց մեջ, ըստ ավանդության, դրված էին մետաղադրամներ: Երիտասարդներին ուղղված շնորհավորանքները շարունակվեցին ողջ տոնի ընթացքում` որն ուղեկցվեց համերգով և մոմավառությամբ:
Արմավիրի երիտասարդները միանում են հնչած բոլոր դատապարտումներին ու բողոքներին, որոնք առնչվում են հայտնի հայ հրապարակախոս, մտավորական և գործիչ, Թուրքիայում հայերենով և թուրքերենով հրատարակվող երկլեզու շաբաթաթերթի գլխավոր խմբագիր Հրանտ Դինքի դավադիր սպանությանը: Թուրքիայում կատարված այս հերթական ոճիրը ցնցեց ոչ միայն Հայաստանի և աշխարհասփյուռ հայությանը, այլ ամբողջ աշխարհի առաջադեմ մարդկությանը: Արդարության ջատագով Հրանտ Դինքի կյանքը պայքար էր` ուղղված համամարդկային և մարդկային արժեքների պահպանմանը և հաստատմանը, մարդու իրավունքների և ազատ, համարձակ խոսքի, ազատատենչ գաղափարների տարածմանը: Հրանտ Դինքի` խոսքի ազատության և Թուրքիայում ապրող բոլոր ազգային փոքրամասնությունների իրավունքների համար պայքարող անխոնջ մարտիկի մահը մի ազդու ահազանգ էր ուղղված հայ ժողովրդին և ամբողջ մարդկությանը` թերահավատ լինելու թուրքական ՙազնվությանը և քաղաքակրթությանը՚:| < Նախորդ | Հաջորդ > |
|---|
